شأرٚ میأن، چراغ بوبو غریبه
غریبگی میأن چی بی پناهم
خطر جٚه هر سو ناله فریاد کونه
غروبٚ وخت غمین بی تکیه گاهم
تنأیی میأن، تنها می دورَ گردم
رأهی نأرم، حتی اگه وأگردم
می دوشمنأن، بکفتم، شادی کونید
مرَ دینید، حکمٚ غیابی کونید
ویریز خوداوند، مرَ خأطر بأور
می دوشمنأنَ جٚه تی خأطر نبر
منٚ بکفته، جز تو یاور نأرم
تو عادلی، دِه کسَ باور نأرم
دوشمن کمانَ فأکشه منتظر
اینصاف و عدلَ ببرده جٚه خأطر
می ایجگره صدا دِ بیرون نأیه
می دیلٚ ناله بوگو تی ور اَیه
مرَ می خانه ور هیدایت بوکون
جٚه آسمان مرَ حمایت بوکون
تی راستٚ دس می جانٚ قوّت ببه
تی آسمان هر روز نمایان ببه
می مأنستن کم نی‌یید زیادید
ستم بیده آدم، بی تکیه‌گاهید
تی سایه جیر اوشأنٚ حامی بوبو
بکفته رِه، پناه و یاور بوبو
Audio file
دانلود:
