دانلودها

روحٚ خودا بأمو چقد خوش بأمو
عوضَ کونه اون جٚه کهنه به نو
وارش بوکود روحٚ خودا فراوان
تا کی بأیه نوری به دیل و چومأن

بأمو می ورجأ بِیسه اون بی‌کلک
تا کی با هم ایروز بیشیم در فلک
روحٚ خودا بأمو ببه أمی یار
دوست و رفیق و همرایو می همکار

ننَه أ دونیا میأن بجز درد و رنج
بجز مسیح هیچی نیبه مثٚ گنج
کونه أمرَ جٚه گونايأن به دور
أمی رأیَ کونه خودش پور جٚه نور

مراقبت کونه أمی جانٚ جأ
تا نکفیم أمأن جٚه ایمأنٚ جأ
اگر تو جٚه روحٚ خودا پور بیبی
مثالٚ آهو اونٚ دونبال دووی

پور ببوستی بوشو به اقصای دور
بوکون تو دعوت همه دونیا به نور
أ روزٚ پور برکتَ گید پِنطیکاست
قودرت و قوّت أمرِه اون بخأست

ننَه أ دونیا میأن بجز درد و رنج
بجز مسیح هیچی نیبه مثٚ گنج
کونه أمرَ جٚه گونايأن به دور
أمی رأیَ کونه خودش پور جٚه نور
اشتراک گذاری
Share icon

Your encouragement is valuable to us

Your stories help make websites like this possible.